सायंकाळी ५.३० पर्यंत ७०.०२ टक्के मतदान
सायंकाळी ५.३० वाजेपर्यंत ७०.०२ टक्के मतदान झाले. गवळीवाडा प्रभाग क्रमांक १० व नांगरगाव क्रमांक ५ या जागांसाठी एकूण ६४८७ मतदार असून त्यामध्ये ३२६४ पुरुष, ३२२३ महिला मतदारांचा समावेश आहे. यापैकी २२२७ पुरुष व २३१५ महिला मतदारांनी मतदानाचा हक्क बजावला. सकाळी ७.३० ते ९.३० या कालावधीत ५६८ मतदारांनी मतदान केले. मतदानाची टक्केवारी ८.७६ टक्के इतकी होती. सकाळी ११.३० वाजेपर्यंत मतदानाचा आकडा १५५५ आणि टक्केवारी २३.९७ टक्के होती. दुपारी १.३० वाजेपर्यंत २६४५ मतदारांनी मतदान केले. टक्केवारी ४०.७७ टक्के इतकी झाली. दुपारनंतर मतदानाचा वेग वाढला. दुपारी ३.३० वाजेपर्यंत ३६७२ (५६.६१ टक्के) मतदारांनी हक्क बजावला. सायंकाळी ५.३० वाजेपर्यंत एकूण ४५४२ मतदारांनी मतदान केले. अंतिम टप्प्यात मतदानाची टक्केवारी ७०.०२ टक्के इतकी नोंदवण्यात आली.
-----