लोणावळा, ता. १८ : कार्ला येथील शिवशंकर तरुण मंडळ यांच्या वतीने विविध सामाजिक व सांस्कृतिक कार्यक्रमांचे आयोजन करण्यात आले. यावेळी मंडळाकडून देण्यात येणारा ‘आदर्श युवक पुरस्कार’ ओंकार रामदास सुतार यांना प्रदान करण्यात आला.
कै. गणेश विश्वनाथ हुलावळे यांच्या स्मरणार्थ दरवर्षी हा पुरस्कार दिला जातो. सामाजिक कार्य, शैक्षणिक प्रगती व युवकांमध्ये प्रेरणादायी योगदान यासाठी सुतार यांची निवड करण्यात आली. उपस्थितांच्या हस्ते त्यांचा सत्कार करून गौरविण्यात आले.
याशिवाय शिष्यवृत्ती परीक्षेत यश मिळविणाऱ्या गुणवंत विद्यार्थ्यांचा सन्मानचिन्ह व प्रमाणपत्र देऊन गौरव करण्यात आला. रात्री विठ्ठल रुख्मिणी भजनी मंडळ यांच्या वतीने हरिजागराचे सादर करण्यात आले. भक्तिमय वातावरणात नागरिकांनी उत्साहाने सहभाग घेतला.
शिवशंकर तरुण मंडळ व कार्ला ग्रामस्थ यांच्या सहकार्याने कार्यक्रमाचे नियोजन करण्यात आले.