मोशी, ता. १० : चऱ्होलीतील पदपथांवर बांधकाम व्यावसायिकांनी टाकलेले साहित्य, विक्रेत्यांची दुकाने त्यामुळे नागरिकांना यांमुळे पदपथाचा नागरिकांना वापर करता येता नाही, व त्यांना भररस्तावरून चालावे लागत आहे. पिंपरी-चिंचवड महापालिकेच्या माध्यमातून चऱ्होलीसह, गावठाण, चोविसावाडी, काळजे वस्ती, पठारे वस्ती आदी भागांत विकासाच्या दृष्टीने महत्त्वाचे पाऊल म्हणून अनेक रस्ते तयार करण्यात आले आहेत. त्यामध्ये मोशी प्राधिकरण ते खडीमशीन रस्ता मार्गे चोविसावाडी, बीआरटी रस्ता, गावठाण यांचा समावेश आहे.

या रस्त्याच्या दुतर्फा पदपथ तयार करण्यात आलेली आहेत. पदपथांवर सुंदर असे पेव्हिंग ब्लॉक बसविण्यात आलेले आहेत. दुतर्फा विद्युत खांब उभे करण्यात आले असून त्यावर एलईडी दिवे बसविण्यात आलेले आहेत. मात्र, गेल्या काही दिवसांपासून पदपथांवर येथील स्थानिक विक्रेत्यांनी फळे, भाजी, गृहोपयोगी वस्तू आदींचे व्यवसाय उभारलेले आहेत. तर काही ठिकाणी या पदपथांवरील पेव्हिंग ब्लॉक निघालेले आहेत. त्यामुळे येथून ये-जा करणाऱ्या पादचाऱ्यांना भर रस्त्यामधून चालावे लागत आहे. नागरिकांकडून पेव्हिंग ब्लॉक व अनधिकृत अतिक्रमण हटविण्याची मागणी होत आहे.