मोशी, ता. ६ ः साधू वासवानी शाळेलगतचे एक गटार तुंबली आहे. त्यामुळे येथे असलेल्या खड्डेमय रस्त्यावर हे दुर्गंधीयुक्त पाणी साठून राहत आहे. यामुळे हे गटार त्वरित दुरुस्त करण्याची मागणी स्थानिक नागरिकांनी केली आहे.

मोशी प्राधिकरणातील पेठ क्रमांक ६ मधील साधू वासवानी शाळेसमोरील हे गटार तुंबल्याने शाळा ते ट्रॅफिक पार्क पर्यंतच्या नागरिकांच्या घरापर्यंत जाणारे हे गटारातील पाणी रस्त्यावर वाहून येत आहे. त्यामुळे येथे असलेल्या खड्डेमय रस्त्यावर हे पाणी साचत आहे. याचा त्रास नागरिकांना होत आहे. यामुळे हे गटार तत्काळ साफ करण्याची मागणी करण्यात येत आहे. हे तुंबलेले गटार साफ करून सांडपाण्याचा निचरा होण्यासाठी उपाययोजना करणे गरजेचे आहे. अन्यथा या सांडपाण्यामुळे दुर्गंधी पसरून डासांचा प्रादुर्भाव वाढेल. तसेच, नागरिकांच्या आरोग्याचा प्रश्न उद्भवू शकतो. त्यामुळे तुंबलेले गटार तत्काळ दुरुस्त करण्याची मागणी सचिन बोराटे, दीपक सुतार, मनोज पाटील आदी वाहनचालकांसह स्थानिक नागरिकांनी केली आहे.

गेल्या अनेक दिवसांपासून या ठिकाणी सांडपाणी जाण्यासाठी असलेले गटार कचरा व मातीने तुंबल्याने सांडपाण्याचा निचरा होत नाही. त्यामुळे दुर्गंधीयुक्त पाणी नागरिकांच्या घरासमोरून वाहत आहे. त्याचा नाहक त्रास सहन करावा लागत आहे.
- संजय आहेर, मोशी प्राधिकरण, माजी स्वीकृत नगरसदस्य,