मोशी, ता. २५ : श्रीरंगदास स्वामी शिक्षण विकास मंडळ, आणे या संस्थेचे संस्थापक स्वातंत्र्य सेनानी स्व. चांदमल रघुनाथ बोरा यांची सोमवारी १०० व्या जयंतीनिमित्त आरोग्य शिबिर घेण्यात आले. तसेच डेंगी, चिकुनगुनिया, हिवताप यावरील आजारांवर कसे नियंत्रण राखावे, यावर पथनाट्य सादर करण्यात आले.
कलाकार राजवर्धन नागभजन, गणेश भिसे, सौरव विखे, तेजस चंदनशिवे, वेदांत ढाकणे आदींनी पथनाट्याद्वारे विद्यार्थ्यांना मार्गदर्शन केले. भोसरीतील श्री भैरवनाथ माध्यमिक व उच्च माध्यमिक विद्यालयाचे प्राचार्य नवीनकुमार आहेर, उपप्राचार्य संजीव राणे, उपमुख्याध्यापक दीपक बागुल, पर्यवेक्षक प्रमोद थोरात, पर्यवेक्षिका सुनंदा जाधव, आरोग्य विभागाचे प्रभाग प्रमुख राजेंद्र देसले, वॉर्ड प्रमुख योगिता ढाकणे आदी उपस्थित होते.

MOS25B03709