मोशी, डुडुळगाव, ता. २२ : येथील सावतामाळी ट्रस्ट आणि ग्रामस्थांनी सावतामाळी मंदिरात उद्या बुधवारी (ता. २३) सावता महाराज संजीवन समाधी सोहळा आयोजित केला आहे. यानिमित्त डुडुळगाव येथील सावता महाराज मंदिरात पहाटे चार वाजता मंदिरात काकडा आरती, दुपारी तीन ते पाच पर्यंत समाज प्रबोधनकार निवृत्ती महाराज देशमुख यांची कीर्तन सेवा, सायंकाळी ५ ते ६ दरम्यान मिरवणुक आणि त्यानंतर महाआरती, महाप्रसाद असे कार्यक्रम होतील.
-----