मोशी, ता.१३ : पुणे-नाशिक महामार्ग दिवसेंदिवस अधिकच गजबजलेला होत चालला आहे. सकाळ-संध्याकाळच्या गर्दीच्यावेळी वाहनांची लांबलचक रांग आणि सतत वाजणाऱ्या हॉर्नच्या गोंगाटात काही दुचाकीस्वार स्वतःचा जीव धोक्यात घालून रस्ता दुभाजक ओलांडत आहेत.
महामार्गावर रस्त्याच्या मधोमधचा दुभाजक ओलांडून विरुद्ध दिशेने जाणारे हे दुचाकीस्वार काही क्षणांचा वेळ वाचवतात. पण, सिग्नल सुटल्यावर भरधाव वेगात येणाऱ्या वाहनांच्यामध्ये पडल्यास एक चूक संपूर्ण कुटुंबाचे आयुष्य उद्ध्वस्त करू शकते. त्यामुळे, वाहतूक पोलिसांकडून सतत आवाहन केले जात असूनही काही जणांचे दुर्लक्ष अजूनही सुरू आहे.

MOS25B03946