हिर्डोशी, ता. १६ : भोर -दुर्गाडी मुक्कामी एसटी बस (एमएच ०६ एस ८२९८) दुर्गाडीकडे जात असताना रस्त्यावरील चिखलामुळे घसरून गटारात जाऊन रुतून बसली. ही घटना सोमवारी (ता. १४) रात्री आठच्या सुमारास घडली. सुदैवाने चालकाच्या सतर्कतेमुळे मोठी दुर्घटना टळली. एसटीचे वाहक, चालकासह प्रवासी सुखरूप आहेत.
ही बस मंगळवारी ट्रॅक्टरच्या साहाय्याने काढण्याचा प्रयत्न केला. मात्र, त्यात यश आले नाही. त्यामुळे बुधवारी (ता. १६) जेसीबीच्या साहाय्याने बस गटारातून बाहेर काढण्यात आली. यावेळी कोंडिबा पोळ, नथू पोळ, संतोष पोळ, सोनाबाई पोळ, संजय शिरवले, हौशीराम पोळ, राहुल मळेकर तसेच स्थानिकांनी मदत केली. डांबरी रस्त्यावर जागा असल्याने वाहतूक सुरळीत होती.
गेल्या आठ दिवसांत एसटी गटारात जाऊन अपघात होण्याची ही तिसरी वेळ आहे. यापूर्वी महुडे मार्गावर ९ तारखेला महुडे हद्दीत तर १० तारखेला किवत हद्दीत अपघात झाले होते.

फोटोः 02188