‘मुक्काई चौक ते निगडी परिसरात
अनधिकृत बांधकामे हटवावीत’

रावेत, ता. ११ ः मुकाई चौक ते निगडी चौक दरम्यानच्या बीआरटी मार्गालगत मोठ्या प्रमाणात अनधिकृत बांधकामे आणि झोपडपट्ट्यांनी अतिक्रमण केले आहे. यामुळे सार्वजनिक वाहतूक, वाहतूक व्यवस्था आणि नागरी सौंदर्यीकरणावर विपरीत परिणाम होत आहे. त्यामुळे ते हटविण्याची मागणी पत्राद्वारे केली आहे. या भागातील काही झोपडपट्ट्या कामगार कॅम्पच्या नावाखाली उभ्या राहिल्या आहेत. मात्र, अनेक झोपड्यांमध्ये व्यवसाय, किराणा दुकाने आणि भाजीपाला विक्री चालते. यामुळे रस्त्यावर वाहतुकीची कोंडी होते. विशेषतः बीआरटी मार्ग शेजारील अतिक्रमणामुळे पीएमपी बस सेवा विस्कळित होत आहे. म्हस्के चौक ते लोहमार्ग लगत सर्व्हे नं ९६ आणि ९७ मध्ये अनधिकृत वस्ती, दुकाने, हॉटेल्स आणि खेळण्याचे ट्रफ उभे करण्यात आले आहेत. यामुळे पादचारी आणि वाहनधारकांना मोठा त्रास सहन करावा लागत आहे. सार्वजनिक सुविधांवर म्हणजे पाणी, स्वच्छता, वीज यावरही त्याचा परिणाम होतो आहे. तसेच परिसराचे सौदर्य ही बिघडत असल्याची म्हणणे स्थानिकांचे आहे. महापालिकेने तत्काळ कारवाई करावी, अशी मागणी दीपक भोंडवे यांनी केली आहे.