रावेत, ता. १६ : रावेत येथील श्रीराम चौक ते भोंडवे बाग कॉर्नर मुख्य रस्त्यावर सिल्वर ग्रासिया सोसायटीच्या शेजारी असलेल्या नाल्यावरील पुलाचे काम अपूर्ण अवस्थेत असल्यामुळे नागरिक आणि वाहनचालक हैराण झाले आहेत. पुलाचे कामासाठी टाकलेली खडीने वाहतुकीस मोठा अडथळा निर्माण होत असून पावसात पाणी साचून खड्डे पडल्याने तसेच खडी वर आल्यामुळे वाहनचालकांना अपघातांचा धोका जाणवत आहे.
भोंडवे बाग कॉर्नर नाल्यावरील पुलावर मोठ्या प्रमाणावर खडी टाकण्यात आली आहे. पण, त्यावर डांबर टाकण्यात आलेले नाही. त्यामुळे खडी उखडून रस्त्यावर पसरत असून वाहने घसरण्याचा धोका निर्माण झाला आहे. वाहनचालकांचे विशेषतः दुचाकीस्वारांचे प्रचंड हाल होत आहेत. पावसामुळे नाल्याजवळ पाणी साचून वाहतुकीस अडथळा निर्माण होत आहे. या खड्ड्यांमुळे दररोजची वाहतूक अडचणीत येत आहे. अचानक ब्रेक लावल्यास मागील वाहनांची धडक बसण्याची सतत भीती असल्याचे वाहनचालकांचे म्हणणे आहे.
स्थानिक नागरिक मुक्ता कोलखंडकर म्हणाल्या, ‘‘शाळकरी मुले आणि वृद्धांना या मार्गावरून चालणेही कठीण झाले आहे. रस्त्यावर पाणी साचते आणि वाहने खड्ड्यांमुळे नादुरूस्त होत आहेत.’’
खड्डे आणि खडी दोन्हींमुळे पावसात वाहने सांभाळणे अवघड जाते. रस्त्यावरील नाल्याचे काम का थांबले आहे ?, प्रशासनाने लवकर मार्ग काढून यातून आमची सुटका करावी.’’
- अमोल नाईक, दुचाकीस्वार
रस्त्यावरील नाल्याच्या संदर्भात न्यायालयीन प्रकरण सुरू आहे. काही वेळा महापालिका प्रशासनाने पूल बांधून डांबरीकरण करण्याचा प्रयत्न केला. मात्र, न्यायालयात विषय असल्यामुळे आमचे हात बांधले आहेत. न्यायालयाचा निकाल आला की काम करून घेता येईल.
- स्वप्नील शिर्के, उपअभियंता, ‘ब’ क्षेत्रीय कार्यालय
NGI25B00646
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.