रावेत, ता. २१ ः मुख्यमंत्री देवेंद्र फडणवीस यांच्या वाढदिवसानिमित्त दीपकभाऊ मधुकर भोंडवे फाउंडेशन, ओजस मल्टिस्पेशलिटी हॉस्पिटल आणि रावेतमधील भाजप कार्यकर्त्यांच्यावतीने भव्य आरोग्य तपासणी व रक्तदान शिबिराचे आयोजन करण्यात आले. या उपक्रमाला नागरिकांचा मोठा प्रतिसाद मिळाला.
या शिबिरात ५९ ज्येष्ठ नागरिकांनी आपली आरोग्य तपासणी करून घेतली. तर तब्बल २०० नागरिकांनी रक्तदान करून सामाजिक जबाबदारी पार पाडली. शिबिरात भाजपचे कार्यकर्ते आणि पदाधिकाऱ्यांनीही उत्स्फूर्त सहभाग घेतला. या कार्यक्रम प्रसंगी काळुराम बारणे, सामाजिक कार्यकर्ते दीपक भोंडवे, मोहन राऊत, सुधीर साळुंखे, उमेश सांडभोर, मनोज थोरवे, धर्मपाल तंतरपाले, बाळासाहेब तरस, संतोष म्हस्के, विभीतस्व चौधरी आणि दिलीप राऊत आदी मान्यवर उपस्थित होते.
या शिबिरातून फडणवीस यांच्या सामाजिक कार्याची प्रेरणा घेत जनतेच्या हितासाठी काम करण्याचा संदेश दिला गेला. रावेत परिसरातील नागरिकांनी या उपक्रमाचे स्वागत केले असून अशा प्रकारच्या आरोग्य उपक्रमांची सातत्याने गरज असल्याचे त्यांनी सांगितले.