सकाळ इम्पॅक्ट
रावेत, ता.१८ : रावेतमधील भोंडवे वस्ती बस थांब्या शेजारील गटारातून दुर्गंधीयुक्त सांडपाणी वाहत असल्याचे वृत्त ‘सकाळ’ने प्रकाशित केल्यावर महापालिका प्रशासनाने तत्काळ त्याची दखल घेत त्याची दुरुस्ती केली.
गेल्या काही दिवसांपासून गटारातील दूषित पाणी थेट रस्त्यावर साचत होते. या पाण्यामुळे दुर्गंधी पसरुन डास व इतर कीटक वाढून आरोग्याचा प्रश्न निर्माण झाला. महापालिकेच्या आरोग्य विभाग व अभियंता विभागातील कर्मचाऱ्यांनी तातडीने इथे भेट देऊन गटार साफसफाई व दुरुस्तीचे काम सुरू केले. आता गटारातून पाणी वाहणे पूर्णपणे थांबले आहे.
‘सकाळ’मध्ये बातमी आल्यानंतर तातडीने महापालिका प्रशासनाने दुरुस्ती केली. आता दुर्गंधी आणि पाण्याचा त्रास नाही. आमच्या आरोग्यासाठी हे खूप महत्त्वाचे ठरले आहे.
- स्वप्नील भोसले, स्थानिक रहिवासी
रोज कचरा आणि पाणी साचल्याने बाहेर पडायलाही त्रास होत होता. आता रस्ता स्वच्छ झाल्याने दिलासा मिळाला आहे.’’
- संगीता जगताप, प्रवासी
‘‘भोंडवे वस्ती बस थांब्या शेजारील गटार दुरुस्त करण्यात आले आहे. काही ठिकाणी तुंबले होते. ते साफ करण्यात आले आहे.
- प्रसाद संकपाळ, कनिष्ठ अभियंता, ‘ब’ क्षेत्रीय कार्यालय
NGI25B00865
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.