निगडी, ता.१६ : प्रजापिता ब्रह्माकुमारीजतर्फे निगडी प्राधिकरणात आयोजित महाशिवरात्री महोत्सवाचे उपमहापौर शर्मिला बाबर, बीके उर्मिला दीदी आणि भारतीय संस्कृती मंचचे अध्यक्ष विश्वास करंदीकर यांच्या हस्ते उत्सवाचे उद्‍घाटन झाले. प्रजापिता ब्रहमाकुमारीज ईश्वरीय विश्वविद्यालय स्थापनेला ९० वर्षे पूर्ण झाली. त्यानिमित्ताने झेंडावंदन आणि प्राधिकरणात भव्य फेरी काढण्यात आली. महादेवाच्या जटातून वाहणारी ज्ञान जलधारा हा देखावा सादर करण्यात आला. या उत्सवात जवळपास एक हजार शिवभक्तांनी दर्शन घेतले. या उत्सवाचे नियोजन आदरणीय बीके संगीता दीदी आणि त्यांचे सर्व सहकारी यांनी केले. रुपीनगर येथील श्री रामेश्वर ट्रस्ट व अचानक मित्र मंडळाच्यावतीने भाविकांसाठी महाप्रसादाचे आयोजन करण्यात आले. तर दयानंदजी पुरी महाराज यांचे कीर्तन झाले. तसेच राधाकृष्ण बाला भजनी मंडळ, कृष्ण भजनी मंडळ यांची सेवा झाली.