पिंपरी, ता. २२ : महापालिकेच्या जलवाहिनीतून नळजोड घेऊन शहरातील वॉशिंग सेंटरसाठी पिण्याच्या पाण्याचा वापर होत असल्याचे स्पष्ट झाले. महापालिका पाणीपुरवठा विभागाने केलेल्या तपासणीत क क्षेत्रीय कार्यालय क्षेत्रात हा प्रकार उघडकीस आला. नेहरूनगर येथील तीन व भोसरी चक्रपाणी वसाहतीतील सहा अशा नऊ वॉशिंग सेंटरवर कारवाई करत अनधिकृत नळजोड खंडित केले. क क्षेत्रीय कार्यालयाच्या पाणीपुरवठा विभागातील उपअभियंता, चार कनिष्ठ अभियंता, चार प्लंबर, दोन मीटर निरीक्षक व महाराष्ट्र सुरक्षा दलाचे १६ जवान यांच्या पथकाने कारवाई केली.