काळेवाडी, ता. १९ : आपला जन्म या पृथ्वीवर परमात्म्याच्या इच्छेने झाला आहे. मनुष्य ही परमात्म्याची एक सर्वोत्तम रचना आहे. असे प्रतिपादन अशोक जुनेजा यांनी केले.

विजयनगर येथील संत निरंकारी मिशनचा इंग्रजी भाषेत संत समागम कार्यक्रम झाला. त्यावेळी ते बोलत होते.
इंग्रजी ही जागतिक भाषा असून निरंकारी मिशनची शिकवण संपूर्ण विश्वामध्ये पोहोचवण्यासाठी इंग्रजी भाषेतून सत्संगाचे आयोजन करण्यात आले होते. यावेळी अशोक जुनेजा म्हणाले, ‘‘आपण या पृथ्वीवर एक पाहुणे म्हणून आले आहोत आणि या पृथ्वीवरून जाणे देखील निश्चित आहे. मनुष्य जन्मामध्ये आल्यानंतर ज्या भौतिक वस्तूंची कमाई केली आहे. तीच आपली संपत्ती आहे. असा समज झाला असून, मनुष्य देवाने दिलेल्या खऱ्या संपत्तीला विसरून गेला आहे. देवाने आपल्याला जो अनमोल देह दिलेला आहे. हीच खऱ्या अर्थाने आपली संपत्ती आहे.’’ असे त्यांनी सांगितले. या विशाल सत्संगामध्ये अनेक युवा संतांनी इंग्रजी भाषेचा आधार घेऊन गीत, अभंग, विचार, नाटिका तसेच आध्यात्मिक प्रदर्शनाच्या माध्यमातून संत निरंकारी मिशनचा प्रेम आणि शांतीचा संदेश दिला. भक्तांचे स्वागत व आभार पुणे झोन प्रभारी ताराचंद करमचंदानी व पिंपरी सेक्टर प्रमुख गिरधारीलाल मतनानी यांनी केले.