उमेदवारी अर्ज भरण्यावरून
चिखलीत जीवघेणा हल्ला

पिंपरी, ता. ३१ ः प्रभाग क्रमांक एकमधील राष्ट्रवादी काँग्रेसचे उमेदवार यश दत्ताकाका साने यांच्याविरोधात ‘तुम्ही उमेदवारी अर्ज का भरता’, अशी विचारणा करत विरोधी उमेदवाराच्या हातातील कागदपत्र हिसकावून घेत त्याच्यावर दहा ते पंधरा जणांच्या टोळक्याने जीवघेणा हल्ला केला. हा प्रकार मंगळवारी (ता. ३०) दुपारी दोनच्या सुमारास चिखली घरकूल येथील टाउनहॉल परिसरात घडला. याप्रकरणी ओंकार बहिरट, समर्थ अविनाश मोरे, विनायक बनसोडे, गणेश अवचिते यांच्यासह दहा ते पंधरा व्यक्तींच्या विरोधात चिखली पोलिस ठाण्यात गुन्हा दाखल करण्यात आला आहे. महेश मळेकर (वय ३६, रा. लक्ष्मी रोड, चिखली) यांनी फिर्याद दिली आहे. या हल्ल्यात महेश मळेकर आणि संतोष लिंगप्पा साने जखमी झाले आहेत. चिखली पोलिस तपास करीत आहेत.

--------