पिंपरी, ता. ७ : राज्य निवडणूक आयुक्त दिनेश वाघमारे यांनी पिंपरी चिंचवड महापालिका निवडणूक तयारीचा आढावा घेतला.

ऑनलाइन झालेल्या या बैठकीत महापालिका आयुक्त तथा निवडणूक अधिकारी श्रावण हर्डीकर यांनी निवडणूक प्रक्रिया शांततेत, पारदर्शक व निर्भय वातावरणात पार पाडण्यासाठी करण्यात आलेल्या तयारीची माहिती दिली. यात १५ जानेवारी रोजी मतदान, तर १६ जानेवारी रोजी मतमोजणी होणार आहे. एकूण ६९१ उमेदवार निवडणूक रिंगणात आहेत. मतदार यादी अद्ययावत करणे, दुबार मतदान रोखण्यासाठी उपाययोजना, स्ट्रॉंग रूम सुरक्षा, मतमोजणी केंद्रांची आखणी, ईव्हीएम व पोस्टल बॅलेट व्यवस्था, तसेच मतदान केंद्रांवरील सुरक्षा व सीसीटीव्ही निगराणी याबाबत बैठकीत चर्चा झाली. मतदार जागृती कार्यक्रम, उमेदवार खर्च तपासणी, तक्रार निवारण केंद्र व माध्यमांवरील देखरेखीसाठी प्रशासन कार्यरत असल्याची यावेळी माहिती देण्यात आली.