पिंपरी, ता. २३ : पिंपरी-चिंचवड परिसरात युवा क्रिकेटपटूंना संधी देणाऱ्या एसजेएसएफ प्रीमियर लीग २०२६ या क्रिकेट स्पर्धेचे आयोजन करण्यात आले असल्याची माहिती एसजेएसएफचे सुशील जाधव यांनी दिली आहे. या स्पर्धेत चार संघांचा सहभाग असून, त्यामध्ये सिंहगड एसजेएसएफ, शिवनेरी एसजेएसएफ, रायगड एसजेएसएफ आणि प्रतापगड एसजेएसएफ या संघांचा समावेश आहे. स्पर्धेचे सामने २७, २९ व ३० जानेवारी रोजी खेळवले जाणार आहेत. अंतिम सामना दोन फेब्रुवारीला होईल. स्पर्धेचे सर्व सामने वाल्के स्पोर्ट्स ग्राउंड, भोसरी येथे होणार असून, या स्पर्धेमुळे स्थानिक क्रिकेटला नवे व्यासपीठ मिळणार आहे. युवा खेळाडूंसाठी अनुभव व आत्मविश्वास वाढवणारी ही स्पर्धा क्रिकेटप्रेमींमध्ये विशेष आकर्षण ठरत आहे.