पिंपरी, ता. ३ : दिवंगत उपमुख्यमंत्री अजितदादा पवार यांच्या अस्थिकलशाचे मंगळवारी (ता. ३) पिंपरीत दर्शन घेण्यासाठी शहरातील नागरिकांनी गर्दी केली. राष्ट्रवादी काँग्रेस पक्षाच्या वतीने पिंपरीतील डॉ. बाबासाहेब आंबेडकर स्मारकाच्या प्रांगणात अस्थिकलश ठेवण्यात आला होता.
हा अस्थिकलश पुण्यातून आणण्यात आला होता. पक्षाचे शहराध्यक्ष योगेश बहल तसेच नगरसेवकांच्या उपस्थितीत अस्थिकलश स्मारकाच्या प्रांगणात आणण्यात आला. त्यानंतर सकाळी ११ ते दुपारी ३ या वेळेत विविध राजकीय पक्षांचे पदाधिकारी, कार्यकर्ते आणि नागरिकांनी श्रद्धेने अस्थिकलशाचे दर्शन घेतले. यावेळी अनेकांनी अजितदादांच्या आठवणींना उजाळा दिला.
पिंपरी-चिंचवड शहराशी अजितदादांचे अतूट नाते होते. शहराच्या विकासात त्यांनी दिलेले योगदान आणि सर्वसामान्यांशी असलेली जवळीक यामुळे नागरिकांमध्ये विशेष आपुलकी दिसून आली. दर्शनासाठी आलेल्या अनेकांच्या डोळ्यांत अश्रू होते. दुपारी तीन नंतर पवना नदीत अस्थींचे विधीवत विसर्जन करण्यात आले.
---
फोटो 92495, 92494,92497