पिंपरी, ता.१६ ः दापोडी येथे महाशिवरात्रीनिमित्त आयोजित अखंड हरिनाम सप्ताहाची सांगता काल्याच्या कीर्तनाने झाली. सप्ताहभर विविध धार्मिक कार्यक्रम, भजन, प्रवचन आणि कीर्तनांनी परिसर दुमदुमून गेला. बाळासाहेब काकडे महाराज यांनी काल्याच्या कीर्तनात अध्यात्माचे महत्त्व अधोरेखित केले.
शिव शंभो महादेव प्रतिष्ठानच्यावतीने उत्सवाचे संयोजन करण्यात आले. नगरसेवक संजय उर्फ नाना काटे यांच्या हस्ते बाळासाहेब काकडे महाराज यांचा ग्रामस्थांच्यावतीने सत्कार करण्यात आला. यावेळी चंद्रकला उपाय, संदीप नरसिंगे, धनराज ढोरे, भगवान ढोरे, रणजित रणशिंगे, श्री विठ्ठल रुक्मिणी भजनी मंडळ, गुरुकृपा भजनी मंडळ खडकी,आदींनी भजन सेवा केली. विश्वनाथ मोरे महाराज यांनी व्यासपीठ नेतृत्व केले.