पिंपळे गुरव, ता.१८ : नवी सांगवी, पिंपळे गुरव, रहाटणी, पिंपळे सौदागर व पिंपळे निलख परिसरात सोमवारी (ता.१८) तिथीप्रमाणे शिवजयंती साजरी करण्यात आली. यामध्ये पिंपळे गुरव परिसरात हिंदवी स्वराज प्रतिष्ठानतर्फे रक्तदान शिबिराचे आयोजन करण्यात आले.
नवी सांगवी परिसरात जगदंब युवा प्रतिष्ठान, ओम साई ग्रुप आदर्शनगर येथे आकर्षक सजावट व ढोल ताशा वादन करण्यात आले. समर्थनगर मित्र मंडळातर्फे रक्तदान शिबिर आयोजित करण्यात आले. समतानगर, शिवप्रतिष्ठान ग्रुप, क्रांती चौक येथील हिंदवी स्वराज्य प्रतिष्ठान, तुकारामनगर मित्र मंडळातर्फे रक्तदान शिबिर आयोजित करण्यात आले. अखिल कृष्णा चौक मराठा प्रतिष्ठानच्या वतीने कैलास मंदिर देखावा सादर करण्यात आला.
पिंपळे गुरव येथील परिसरात शिवशंभो प्रतिष्ठान व पैलवान ग्रुप मंडळाच्या वतीने मिरवणुकीचे आयोजन करण्यात आले. शिव गणेश मित्र मंडळ व स्वराज्य प्रतिष्ठानच्या वतीने फुलांची सजावट करण्यात आली. रहाटणी येथे शिवरायांच्या गीतांचे पोवाड्यांचे कार्यक्रम आयोजित करण्यात आले. पिंपळे सौदागर येथे श्रीमंतयोगी प्रतिष्ठान, मुंजोबा प्रतिष्ठानच्या वतीने मिरवणुकीचे आयोजन करण्यात आले होते. बहुतांश मंडळांनी मिरवणुकीत डीजेचा वापर केल्याचे यावेळी दिसून आले.