पिंपळे गुरव, ता. २३ ः सांगवी विकास मंचच्या वतीने भारतरत्न डॉ. बाबासाहेब आंबेडकर व महात्मा ज्योतिराव फुले यांच्या जयंतीनिमित्त उत्सव आयोजित करण्यात आला.
यावेळी ज्येष्ठ नागरिक संघाचे माजी अध्यक्ष अशोकराव भोसले यांनी आंबेडकरांच्या जीवनातील प्रेरणादायी प्रसंग मांडत संविधानाचे महत्त्व स्पष्ट केले. शाहीर बाळासाहेब मालुसकर यांनी पोवाड्यांद्वारे कार्यक्रमात रंगत आणत नेत्यांचे विचार आचरणात आणण्याचे आवाहन केले. यावेळी सुरेश तावरे, शक्तीगुप्त गायकवाड, साहेबराव सोनवणे, भाऊसाहेब जाधव, मुरलीधर दळवी, कृष्णकांत गिरगुणे आदी मान्यवर उपस्थित होते. दिलीप फाकटकर यांनी प्रास्ताविक केले. महेश भागवत यांनी आयोजन केले. कृष्णकांत गिरगुणे यांनी आभार मानले.