पिंपरी, ता. ९ ः महापालिकेच्या नवीन थेरगाव रुग्णालयात एन. टी. स्कॅन मशिन आणि एनॉमली स्कॅन मशिन नसल्याने गर्भवतींना त्रास सहन करावा लागत आहे. परिणामी त्यांना नाइलाजास्तव खासगी रूग्णालयात उपचार घ्यावे लागत आहेत. वारंवार तक्रारी करूनही वैद्यकीय विभाग दुर्लक्ष करत असल्याचे रुग्णांचे म्हणणे आहे. याउलट रुग्णालय प्रमुखांनी स्कॅन मशिन सुरू असल्याचा दावा केला आहे. प्रत्यक्षात मात्र मशिन बंद असल्याचा अनुभव रुग्णांना येत आहे.
थेरगाव रुग्णालयात चिंचवड, थेरगाव, वाकड, काळेवाडी, रहाटणी भागातील महिला रुग्णांची गर्दी मोठी असते. याबाबत तक्रारदार दीपक खैरनार म्हणाले,‘‘रूग्णालयात स्कॅन मशिन नसल्याने गर्भवतींची मोठी अडचण होते. त्यांना नाइलाजाने खासगी रुग्णालयात जावे लागते.
तक्रारीची दखल घेऊन, सुविधा उपलब्ध करून द्यावी.’’
राजश्री शिवाळकर म्हणाल्या, ‘‘मी गुरूवारी थेरगाव रुग्णालयात स्कॅनसाठी गेले होते. मशिन बंद असल्याचे सांगण्यात आले. वायसीएममध्ये जाण्याचा सल्ला दिला.’’
कोट
रुग्णालयातील एन. टी. स्कॅन मशिन, एनॉमली स्कॅन मशिन सुरू आहेत. त्या बंद नव्हत्या. चुकीची माहिती आहे.
-डॉ. अभय दादेवार, रूग्णालय प्रमुख, थेरगाव रुग्णालय
फोटोः 23674
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.