सोमाटणे, ता. २३ ः विना परवाना मांसाने भरलेला टेंपो मुंबईकडे नेत असताना शिरगाव पोलिसांनी उर्से टोलनाका येथे सापळा लावून पकडला असून, एकाला अटक केली आहे. शिरगाव पोलिसांनी दिलेल्या माहितीनुसार, आरोपी महेबूब शामसुद्दीन मेदर्गीकर(वय ४५, रा. वळसंग, ता. अक्कलकोट) हा आपल्या टेंपोत म्हैसवर्गीय जनावरांचे पाच टन मांस घेऊन तो पुणे-मुंबई द्रुतगती मार्गाने मुंबईकडे जात असल्याची खबर पोलिसांना मिळाली. बुधावारी सायंकाळी पाचच्या सुमारास उर्से टोलनाका येथे सापळा लावून, टेंपो पकडला. तपासणी केली असता, त्यात पाच टन जनावरांचे मांस भरलेले होते.
------------------------------------------------------------------------------------------.