तळेगाव दाभाडे (स्टेशन), ता. ६ : नूतन महाराष्ट्र विद्याप्रसारक मंडळातर्फे जागतिक पर्यावरण दिनानिमित्त येथील एनसीईआर महाविद्यालयात आयोजित ‘नुथॉन २०२३’ स्पर्धेत करण जामदारने विजेतेपद पटकावले. तर तेजस दोंड उपविजेता ठरला. ‘प्लास्टिक मुक्तीतून पर्यावरणाकडे’ हा जनजागर करण्यासाठी या स्पर्धेत एकूण १४४ विद्यार्थी, विद्यार्थिनींनी सहभाग घेतला होता. राष्ट्रीय सेवा योजना आणि मेकॅनिकल विभागातर्फे आयोजित या स्पर्धेचे उद्‍घाटन प्राचार्या डॉ. अपर्णा पांडे यांनी केले.
या वेळी डॉ. विकास यादव, प्रा. भीमराव गायकवाड, प्रा. भूषण पवार, डॉ. एम. के. बिरादार, प्रा. किशोर खैरनार, डॉ. दिग्विजय पाटील, प्रा. विजय दराडे यांनी स्पर्धेचे संयोजन केले. दरम्यान, पर्यावरणाच्या दृष्टिकोनातून ‘ओला-सुका कचरा विभाजन व विल्हेवाट’ याविषयावर तज्ज्ञांनी मार्गदर्शन केले. संस्था अध्यक्ष माजी राज्यमंत्री संजय (बाळा) भेगडे, सचिव संतोष खांडगे, उपाध्यक्ष गणेश खांडगे, राजेश म्हस्के, नंदकुमार शेलार यांनी विजेत्यांचे अभिनंदन केले.

PNE23T47565