पिंपरी, ता. २८ ः ‘‘क्रांतीसूर्य महात्मा जोतीराव फुले हे थोर समाजसुधारक, उत्तम लेखक, तत्त्वज्ञ आणि स्री शिक्षणाचे प्रणेते होते. त्यांनी स्त्री शिक्षणासाठी केलेले कार्य महान आहे, असे प्रतिपादन महापालिका अतिरिक्त उल्हास जगताप यांनी केले.
महात्मा जोतीराव फुले यांच्या पुण्यतिथीनिमित्त त्यांच्या प्रतिमेस आणि ज्ञानज्योती सावित्रीबाई फुले स्मारकामधील पुतळ्यास पुष्पहार अर्पण करून जगताप यांनी अभिवादन केले. त्यावेळी ते बोलत होते. माजी नगरसेवक मारुती भापकर, कैलास कदम, मुख्य अभियंता रामदास तांबे, विशेष अधिकारी किरण गायकवाड, कार्यकारी अभियंता अनघा पाठक, जनता संपर्क अधिकारी प्रफुल्ल पुराणिक, उपअभियंता सुनील दांगडे, ज्येष्ठ सामाजिक कार्यकर्ते मानव कांबळे, नरेंद्र बनसोडे, तुकाराम गायकवाड आदी उपस्थित होते.