पिंपरी, ता. ११ ः विद्यानगर येथील समाजमंदिराचे काम गेल्या बऱ्याच वर्षांपासून प्रलंबित आहे. रंगकाम, वीजजोड, खिडक्या व दरवाजांची डागडुजी देखील रखडलेली आहे, अशी तक्रार शिवसेनेच्या (उद्धव ठाकरे गट) विद्यानगर शाखेचे प्रमुख विठ्ठल कळसे यांनी केली आहे. या समस्यांचे निराकरण करावे, अशी मागणी करणारे निवेदन त्यांनी आयुक्त शेखर सिंह यांना दिले आहे. या भागात नवी दिशा या उपक्रमार्तगत बांधलेल्या स्वच्छतागृहाचे काम अर्धवट अवस्थेत आहे. या स्वच्छतागृहाची मैलावाहिनी देखील नादुरुस्त असल्याने मैलापाणी तुंबत आहे. त्यामुळे या भागात दुर्गंधी पसरली आहे. त्यामुळे येथील नागरिकांच्या आरोग्याचा प्रश्‍न निर्माण झाला आहे. प्रशासनाने यात लक्ष घालून हे प्रश्‍न सोडवावेत, अशी मागणी निवेदनात करण्यात आली आहे.