पिंपरी, ता.३ ः भाजपचे पिंपरी विधानसभा निवडणूक प्रमुख अमित गोरखे यांच्या वाढदिवसानिमित्त, पिंपरी-चिंचवड शहरात शनिवारी (ता.४) प्रथमच भव्य पुस्तक प्रदर्शन भरविण्यात येणार आहे. दुसऱ्या दिवशी रविवारी सकाळी १० ते ८ वाजेपर्यंत हे प्रदर्शन सर्वांसाठी खुले राहणार आहे.
चिंचवड येथील बर्ड व्हॅली जवळ नोव्हेल इंटरनॅशनल स्कूलच्या मैदानावर हे प्रदर्शन होणार आहे. नोव्हेल शिक्षण संस्था, कलारंग कला संस्था, पिंपरी-चिंचवड ऑलिंपिक असोसिएशन यांच्या संयुक्त विद्यमाने तर राज्य साहित्य परिषद, पिंपरी चिंचवड, अखिल भारतीय साहित्य परिषद, भारतीय विचार साधना, कामगार साहित्य परिषद, नवयुग साहित्य व शैक्षणिक मंडळ आदींच्या सहकार्याने हा उपक्रम राबविण्यात येणार आहे.