पिंपरी, ता. १० ः महापालिका सेवकांची सहकारी पतसंस्था पंचवार्षिक निवडणुकीसाठी मंगळवारी (ता. ११) मतदान होणार आहे. सकाळी नऊ ते सायंकाळी पाच या वेळेत महापालिका भवनात मतदान होणार आहे. त्यानंतर मतमोजणी सुरू होईल. स्व. शंकरअण्णा गावडे कर्मचारी महासंघ, आपला महासंघ आणि शिव-फुले-शाहू-आंबेडकर विचारमंच असे तीन पॅनेल आहेत. चार अपक्षही रिंगणात आहेत. पतसंस्थेच्या १९ जागांसाठी ५४ उमेदवार रिंगणात आहेत. त्यात १४ जागा सर्वसाधारण, दोन जागा महिलांसाठी आणि अनुसूचित जाती-जमाती, इतर मागासवर्गीय व भटक्या विमुक्त जाती-जमातींसाठी प्रत्येकी एक जागा राखीव आहेत. त्यासाठी अनुक्रमे ३८, पाच, चार, तीन आणि चार उमेदवार रिंगणात आहेत. मतदान झाल्यानंतर मतमोजणीला प्रारंभ होईल. रात्री अकरापर्यंत निकाल लागण्याची शक्यता आहे.