पिंपरी, ता. २२ : महाराष्ट्र औद्योगिक विकास महामंडळाच्या रावेत येथील शुध्द पाणी पुरवठा केंद्रामधील देखभाल व दुरुस्ती विभागामार्फत करण्यात येणाऱ्या कामकाजाकरिता सोमवारी (ता. २४) रोजी सकाळी ८ ते रात्री १० वाजेपर्यंत होणारा पाणी पुरवठा बंद राहील. तसेच मंगळवारी (ता. २५) रोजी पाण्याचा पुरवठा कमी दाबाने व अपुरा होण्याची शक्यता आहे. तरी, पिंपरी-चिंचवड, भोसरी, देहूरोड, कासारवाडी, निगडी, सी.एम.ई., आर अॅन्ड डी दिघी, व्ही.एस.एन.एल. कॅन्टोन्मेंट बोर्ड, ओ.एफ.डी.आर. या भागातील नागरिकांनी याची नोंद घेऊन आवश्यक तो पाण्याचा साठा अगोदर करून ठेवावा व महामंडळास सहकार्य करण्याचे आवाहन चिंचवड एमआयडीसी विभागाच्यावतीने करण्यात आले आहे.