पिंपरी, ता. २ : आम आदमी पार्टीच्या वतीने कामगार दिनानिमित्त परिवर्तन बाईक रॅली काढण्यात आली. पिंपरी विधानसभा अंतर्गत या रॅलीचे आयोजन आपचे पिंपरी विधानसभा अध्यक्ष संतोष इंगळे यांनी केले होते.
उद्योगनगरी म्हणून आपली ओळख जपणारे पिंपरी चिंचवड शहरांमध्ये महाराष्ट्राच्या कानाकोपऱ्यातून रोजगारासाठी शहरात वसलेल्या कामगार बंधूंना मानवंदना देण्यासाठी या रॅली चे आयोजन केल्याचे संतोष इंगळे यांनी सांगितले. ही परिवर्तन बाईक रॅली एच. ए. मैदानातून दुपारी ४ वाजता सुरू होऊन सायंकाळी ७ वाजता आकुर्डी येथील शहीद कामगार दत्तात्रेय पाडळे यांच्या पुतळ्याजवळ समाप्त झाली. या रॅलीमध्ये आम आदमी पार्टीचे शहरातील कार्यकर्ते व पदाधिकारी मोठ्या संख्येने सहभागी झाले होते. शहीद कामगार दत्तात्रेय पाडळे यांच्या पुतळ्याला अभिवादन केल्यानंतर राष्ट्रगीताने रॅलीची सांगता झाली. रॅलीमध्ये चेतन बेंद्रे, अनुप शर्मा, संतोष इंगळे, ब्रह्मानंद जाधव, राज चाकणे, डॉ. अमर डोंगरे, कमलेश ननावरे व शहरातील आम आदमीचे पार्टीचे कार्यकर्ते व पदाधिकारी मोठ्या संख्येने उपस्थित होते.