पिंपरी, ता. ३१ ः लोकशाहीर अण्णा भाऊ साठे जयंतीनिमित्त क्रांतिवीर चापेकर स्मारक समिती आणि सामाजिक समरसता मंच यांच्यातर्फे साठे जयंती महोत्सवातील भोजन व्यवस्थेसाठी लागणारा शिधा संकलित करण्यात आला. समिती अध्यक्ष गिरीश प्रभुणे यांच्या हस्ते तो महोत्सव समितीकडे सुपुर्द केला. समिती अध्यक्ष अण्णा कसबे, माजी अध्यक्ष मनोज तोरडमल, समरसता गतिविधी जिल्हा सहसंयोजक नरेंद्र पेंडसे, समिती कार्यवाह ॲड. सतीश गोरडे, अमोल देशपांडे, महेंद्र बोरकर आदी उपस्थित होते. शिधा संकलनासाठी तानाजी साठे, अतुल आडे यांच्यासह समिती व मंचाच्या कार्यकर्त्यांनी परिश्रम घेतले. आसराम कसबे यांनी सूत्रसंचालन केले.