पिंपरी, ता. ३१ ः निगडी येथील राजरत्न बुद्ध विहारात भीमशक्ती विद्यार्थी आघाडी पिंपरी-चिंचवड कमिटीच्या वतीने त्यागमूर्ती माता रमाबाई आंबेडकर यांच्या स्मृती दिनानिमित्त अभिवादन करण्यात आले.
भीमशक्ती विद्यार्थी आघाडी पुणे जिल्हाध्यक्ष सूरज गायकवाड यांच्या हस्ते माता रमाई यांना पुष्पहार अर्पण करण्यात आला. यावेळी वंचित बहुजन आघाडीचे नेते रजनीकांत क्षीरसागर, ‘भीमशक्ती’चे नेते गौतम गायकवाड, लढा युथ मुव्हमेंटचे संस्थापक अध्यक्ष प्रमोद क्षीरसागर, निगडी परिसरातील ज्येष्ठ सामाजिक कार्यकर्ते शिवपुत्र निंबाळकर, पंचशील भजनी मंडळाचे अध्यक्ष चंद्रकांत गायकवाड, राजरत्न बुद्ध विहाराचे संस्थापक शिवशरण हिप्परगीकर, अशोक संगोळकर, भीमशक्ती विद्यार्थी आघाडी पिंपरी-चिंचवड कार्याध्यक्ष परमेश्वर निसरगंध, पिंपरी चिंचवड संघटक विशाल केंगार, भीमशक्ती निगडी शाखा अध्यक्ष रवि अल्लापुर, धीरजकुमार मगी, लहू साळुंखे, अमोल शिनगारे, निगडी मधील ज्येष्ट कार्यकर्ते रामचंद्र गायकवाड, मरीआप्पा भंडारे उपस्थित होते.