पिंपरी, ता. १ ः शहरात मोकाट कुत्र्यांचा मोठ्या प्रमाणात त्रास वाढला आहे. शहरातील ज्येष्ठ नागरिक, महिला, तरुण, लहान बालके यांच्यावर भटक्या कुत्र्यांचे हल्ला करण्याचे प्रमाण वाढले आहे. भोसरीत एका लहान बालकावर भटक्या कुत्र्याने हल्ला केल्याने पुन्हा एकदा भटक्या कुत्र्यांचा मुद्दा उपस्थित झाला आहे. अनेक वेळा ही भटकी कुत्री रस्त्यावर फिरतात. रात्री कुत्री अंगावर आल्याने दुचाकीस्वार गाडी जोरात पळवितात आणि अपघात होतात. महापालिकेच्या पशुवैद्यकीय विभागाकडून मोकाट कुत्रे पकडण्याचा ठेका देण्यात येतो. महापालिका त्यावर कोट्यवधी रुपये खर्च करते.