पिंपरी, ता. ३ ः पुण्यातील भिडेवाड्यावर आधारित कवितांचा समावेश असणाऱ्या भिडेवाडा आंतरराष्ट्रीय काव्यमहोत्सवाचे पिंपरी येथे रविवारी (ता.७) आयोजन करण्यात आले आहे. डॉ. बाबासाहेब आंबेडकर चौकाजवळील ज्ञानज्योती सावित्रीबाई फुले सभागृह येथे सकाळी नऊ वाजता हा कार्यक्रम होणार आहे. या महोत्सवासाठी महाराष्ट्रासह गोवा, गुजरात, कर्नाटक, केरळ या राज्यांतून तसेच विदेशातूनही सुमारे दोनशेहून अधिक कवींनी सहभाग नोंदवला आहे. स्त्रीशिक्षणाचे उगमस्थान असलेल्या भिडेवाडा वास्तूबद्दल आणि महात्मा फुले, सावित्रीबाई फुले आदींनी दिलेल्या योगदानाबद्दल आताच्या कवींनी अभिव्यक्त व्हावे, या उद्देशातून पिंपरी- चिंचवड शहरात हा कार्यक्रम घेण्यात येत आहे, अशी माहिती आयोजक विजय वडवेराव यांनी दिली.