पिंपरी, ता. ३० ः जागतिक हृदयदिन निमित्ताने भोसरीतील मेडिकव्हर हॉस्पिटलच्यावतीने हृदय आरोग्याबाबत जनजागृती करण्यासाठी विविध कार्यक्रमांचे आयोजन करण्यात आले होते. या उपक्रमात ह्रदयरोगतज्ज्ञ डॉ. सूरज पाटील आणि डॉ. संजय कुमार यांनी हृदय निरोगी ठेवण्यासाठी मार्गदर्शन केले. त्यांनी आहार, व्यायाम, ताणतणाव नियंत्रण आणि धूम्रपान व अल्कोहोलपासून दूर राहण्याचे महत्त्व पटवून दिले.
याशिवाय, रुग्णालयाच्यावतीने मोफत ईसीजी चेकअप शिबिराचे आयोजन करण्यात आले होते. कॅम्पमध्ये १०० पेक्षा अधिक लोकांची निःशुल्क तपासणी करण्यात आली. हॉस्पिटलचे केंद्रप्रमुख डॉ. व्यास मौर्य उपस्थित होते. त्यांनी नागरिकांना सीपीआर व हृदय आरोग्याचे महत्त्व समजावून सांगितले.