पिंपरी, ता. १० ः श्री दत्तसेवा मंडळाच्यावतीने दहावी व बारावीमधील २५ गुणवंत विद्यार्थ्यांचा सत्कार करण्यात आला. चिंचवडमधील श्रीधरनगर येथील दत्त मंदिरात हा कार्यक्रम झाला. यावेळी ज्येष्ठ शिक्षणतज्ज्ञ प्रकाश क्षीरसागर यांनी विद्यार्थ्यांना पुढील शिक्षणाविषयी मार्गदर्शन केले. प्रगती करताना समाजाचे ऋण फेडा, पर्यावरण जपा, आई-वडीलांना विसरू नका, असाही संदेश त्यांनी दिला. यावेळी मंडळाचे अध्यक्ष वसंत बोरकर, उपाध्यक्ष रमेश गोसावी यांच्या हस्ते विद्यार्थ्यांना रोख रक्कम देण्यात आली. प्रशांत हरहरे, रमेश गोसावी, अनिल पारगावकर, नीता मुर्ढेकर, संगीता चौधरी, प्रदीप तपस्वी यांनी कार्यक्रमाचे नियोजन केले. स्वाती काकडे यांनी सूत्रसंचालन केले.