पिंपरी, ता. १० ः ‘‘आजचे वृक्षारोपण, संवर्धन म्हणजे उद्याच्या पिढीच्या प्राणवायूची सोय आहे, असे मत कामगार कल्याण आयुक्त रविराज इळवे यांनी व्यक्त केले.
राज्य कामगार कल्याण मंडळ व कामगार कल्याण केंद्र यांच्या संयुक्त विद्यमाने चाकण वन परिक्षेत्रातील वराळे गावच्या जमिनीवर वड, पिंपळ, आंबा, कुरंज, जांभूळ यासारख्या ४०० देशी झाडांचे वृक्षारोपण करण्यात आले. त्यावेळी ते बोलत होते.
यावेळी सहायक कल्याण आयुक्त मनोज पाटील, प्रमोद जोशी, महादेव जाधव, संदीप गावडे, योगेश कळंबे, डॉ. मोहन गायकवाड, अनिल कारळे, अरुण वाडकर, सुनील बोराडे, अविनाश राऊत, प्रतिभा येरम, शुभांगी नावडीकर, सुरेश पवार, अश्विनी दहितुले, अमोल पवार, सागर चव्हाण, अचल गवळी यांच्या उपस्थितीत वृक्षारोपण करण्यात आले.
यावेळी प्रभाकर मेसकर, मिलन गायकवाड, तानाजी भोसले, राजेंद्र फडतरे, अनुषा पै, सायली सुर्वे, संध्या स्वामी, शिवराज शिंदे, काळूराम लांडगे, बशीर मुलाणी, शंकर नाणेकर, गोरखनाथ वाघमारे, संदीप पानसरे, मुरलीधर दळवी, सुनील खैरनार, शिवराज शिंदे आदी उपस्थित होते. चाकणचे वन परिक्षेत्र अधिकारी संतोष कंक, योगिता वीर, अचल गवळी यांचे यावेळी सहकार्य लाभले. प्रदीप बोरसे यांनी सूत्रसंचालन केले; तर अविनाश राऊत यांनी आभार मानले.