पिंपरी, ता. ११ ः पिंपरीमधील वीजपुरवठा गुरुवारी तब्बल सहा तास विस्कळित झाल्याने नागरिक हैराण झाले. देखभाल दुरुस्तीच्या कामासाठी कोणतीही पूर्वकल्पना न देता सकाळी ११ वाजता वीज पुरवठा खंडित करण्यात आला. त्यामुळे घरून काम करणारे कर्मचारी, गृहिणी यांची मोठी गैरसोय झाली. दोन दिवसांपासून पावसाने उघडीप दिल्याने सकाळपासूनच वातावरणात उष्णता वाढली होती. अशातच वीजपुरवठा खंडित झाल्याने नागरिक उकाड्याने त्रस्त झाले होते. देखभाल दुरुस्तीच्या कामासाठी वीजपुरवठा काही काळ बंद ठेवण्यात आल्याचे महावितरणच्या भोसरी विभागाच्यावतीने सांगण्यात आले. सकाळी ११ वाजता खंडित करण्यात आलेला वीजपुरवठा सायंकाळी चारला सुरु करण्यात आला.