पिंपरी, ता. ६ ः राजस्थान रणजी क्रिकेट संघाचे माजी कर्णधार कैलाश गट्टानी यांच्या सन्मानार्थ लायन्स क्लब ऑफ तळवडे प्राइडच्यावतीने मोशी येथे आयोजित ५० वर्षांवरील पुरुषांसाठी क्रिकेट स्पर्धेत बाश्री ब्लास्टर्स संघ ‘कैलास गट्टानी करंडका’चा मानकरी ठरला.
प्रतिभा ग्रुप ऑफ इन्स्टिट्यूटचे अध्यक्ष डॉ.दीपक शहा यांच्या हस्ते पारितोषिक वितरण करण्यात आले. यावेळी माजी रणजीपटू कैलास गट्टानी, लायन्स क्लब तळवडे प्राईडचे अध्यक्ष कैलाश पारिख, वसंत कोकणे, क्रिकेट स्पर्धा समन्वयक विजय अगरवाल, क्रीडा संचालक शिरीष भोपे, वसंत गुजर, डॉ.अशोक अगरवाल, श्रीधर प्रभू, योगेश वाके, रतन खारोल आदी उपस्थित होते.
लवास रॉयल संघ उपविजेता ठरला. ओम व्हीसीसीए नागपूर आणि बीकेसी लायन यांना अनुक्रमे तिसऱ्या व चौथ्या क्रमांकाचे पारितोषिक देण्यात आले.
यावेळी उत्कृष्ट खेळाबद्दल भूषण देशपांडे (मालिकावीर), प्रशांत तुपे (सामनावीर), गणेश कुदळे (उत्कृष्ट फलंदाज), मनोहर पाटील (उत्कृष्ट गोलंदाज), भालचंद्र कुलकर्णी (फायटर ऑफ मॅच) अशी पारितोषिके देऊन खेळाडूंना गौरविण्यात आले.
यावेळी अमानी नांदल, सुहासिनी कांदल, ईश्वरी अवसरे, भाविका अहिरे, संतोष चव्हाण, सारस जोगी या उदयोन्मुख खेळाडूंचाही सत्कार करण्यात आला.
धावफलक -