सोमाटणे, ता. ६ ः चांदखेड पुलाचे काम पावसाळ्यापूर्वी पूर्ण करावे अशी मागणी चांदखेड ग्रामस्थांनी केली आहे. पवनमावळ पूर्व भागातील चांदखेड बेबडओहोळ सोमाटणे या रस्त्यावरील रहदारीमुळे या रस्त्याचे रुंदीकरण, खडी डांबरीकरण करण्यात आले. हे काम करताना चांदखेड येथील पुलाचे काम आधी करणे गरजेचे होते. परंतु, संबंधित विभागाने अपघातग्रस्त असलेल्या चांदखेड पुलाचे काम अपूर्ण ठेवले. चंदनवाडी घाटाच्या उतारावरून वेगात आलेल्या वाहनचालकाला चांदखेड येथील अरुंद पुलाचा अंदाज न आल्याने येथे अपघात होतात. गेल्या पाच वर्षात झालेल्या अपघातात आतापर्यंत चौघांना आपला जीव गमवावा लागला आहे. अनेक जण जखमी झाले आहेत. आणि अजूनही अपघात होत आहेत. येथील अपघात टाळण्यासाठी संबंधित विभागाने तातडीने पुलाचे काम हाती घ्यावे अशी मागणी चांदखेड ग्रामस्थांसह माजी पंचायत समिती सदस्य दत्तात्रेय माळी यांनी केली आहे.
Smt6Sf1.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.