पिंपरी, ता. १ : राष्ट्रवादी युवक काँग्रेस शरदचंद्र पवार पिंपरी-चिंचवड शहर-जिल्हा आयोजित बूथ प्रमुख संवाद मेळावा भोसरी येथील क्वालिटी सर्कल फोरम हॉल येथे झाला. युवक शहराध्यक्ष इम्रान शेख यांनी त्याचे आयोजन केले होते.
लोकसभा निवडणुकीच्या पार्श्वभूमीवर पक्षातील युवक पदाधिकारी, महिला आणि विद्यार्थी पदाधिकाऱ्यांनी भोसरी विधानसभेतील ४६४ बूथ समितीची बांधणी केली. बूथ अध्यक्षांना प्रशिक्षण देण्यात आले. युवक शहराध्यक्ष इम्रान शेख म्हणाले, ‘‘ही लढाई धनशक्तीविरुद्ध जनशक्ती असून, जनतेने निवडून दिलेल्या लोकप्रतिनिधींना ईडी, सीबीआयच्या धाकावर भाजपमध्ये घेणाऱ्या राक्षसी प्रवृत्तीविरुद्ध सामान्य नागरिक पेटून उठलेला आहे. त्यामुळे शिरूर लोकसभेची ही निवडणूक लोकांनी हातात घेतली आहे.
निरीक्षक प्रकाश म्हस्के म्हणाले, ‘‘नेते, पदाधिकारी जरी भाजपच्या गळाला लागले असले तरी सर्वसामान्य कार्यकर्ता आणि मतदार हा केवळ शरद पवार यांच्यासोबतच आहे.’’ विद्यार्थी प्रदेश अध्यक्ष सुनील गव्हाणे, वैद्यकीय सेल प्रदेशाध्यक्ष गौतम आगा यांनी मार्गदर्शन केले. या मेळाव्यास महिला शहराध्यक्ष ज्योती निंबाळकर, स्वप्नील भैय्या गायकवाड, सागर कोल्हे, सागर तापकीर, शिरीष जाधव आदी उपस्थित होते.
फोटोः 11153