पिंपरी, ता. ४ ः फुगेवाडीतील श्री स्वामी समर्थनगर येथे अक्कलकोट निवासी श्री स्वामी समर्थ शक्तिपीठ यांच्यावतीने श्री स्वामी समर्थ महाराज प्रकट दिन व श्री स्वामी समर्थ महाराज मूर्ती स्थापना रौप्य महोत्सवानिमित्त विविध धार्मिक कार्यक्रमांचे आयोजन करण्यात आले आहे.

३ ते ९ एप्रिल दरम्यान सदगुरू श्री स्वामी समर्थ महाराज यांचा गुरुलीलामृत ग्रंथ पारायण, नामजप होणार आहे. बुधवारी (ता. १०) श्री स्वामी समर्थ महाराज प्रकट दिन व श्री स्वामी समर्थ महाराज, मूर्ती स्थापनेचा रौप्य महोत्सव साजरा होणार आहे. सकाळी श्री गुरू पूजन, संत प्रतिमा पूजन, रुद्राभिषेक, श्री स्वामी समर्थ महाराजांची महापूजा, पोशाख व आरती होईल. दुपारी नैवेद्य, आरती व नामजप तसेच सायंकाळी भजन, श्री स्वामी समर्थ महाराज प्रकटीकरण अनुपम सोहळा, फुले वाहणे आदी धार्मिक कार्यक्रम होतील. गुरुवारी (ता. ११) श्रीमती लक्ष्मीबाई गुलाबराव वाखारे यांच्या सहस्त्रचंद्रदर्शन सोहळ्यानिमित्त सायंकाळी भजन व हभप चंद्रकांत महाराज वांजळे यांचे प्रवचन होणार आहे.