पिंपरी, ता. १० : किरकोळ कारणावरून झालेल्या वादाचा राग मनात धरून, टोळक्याने तरुणाला बेदम मारहाण करून दमदाटी केली. कोयता हवेत फिरवत परिसरात दहशत माजवली. हा प्रकार चऱ्होलीतील एका नामांकित कॉलजेच्या हॉस्टेलसमोर घडली.
मनीषकुमार मिथिलेशचंद्र मिश्रा (रा. कॉलेज हॉस्टेल, चऱ्होली, मूळ - बिहार) यांनी दिलेल्या फिर्यादीनुसार, सौरभ विजय गायकवाड, आदित्य अशोक चोरगडे, मोन्या गायकवाड, सुयश यादव व इतर दोन अज्ञात मुले (सर्व रा. चऱ्होली परिसर) यांच्यावर गुन्हा दाखल झाला आहे. ३ मे रोजी सौरभ याच्याबरोबर किरकोळ कारणावरून झालेल्या वादाचा राग मनात धरून आरोपींनी फिर्यादीला लाथाबुक्क्यांनी मारहाण व दमदाटी केली. कोयता हवेत फिरवत दहशत निर्माण केली. दिघी पोलिस अधिक तपास करीत आहेत.
-----------------------