पिंपरी, ता. ११ : वीज वाहिनीचे काम करण्यासाठी गेलेल्या महावितरणच्या कर्मचाऱ्यांना वीज का घालवली म्हणत तिघांनी मारहाण केली. ही घटना जुनी सांगवी येथे घडली.
या प्रकरणी रत्नदीप मनोहरराव काळे (रा. पिंपळे सौदागर ) यांनी फिर्याद दिली आहे. त्यानुसार वैभव गवारे, त्याचे वडील व मित्र (सर्व रा. जुनी सांगवी) यांच्यावर गुन्हा दाखल झाला आहे. फिर्यादी यांचे कर्मचारी हे जुनी सांगवीतील कुंभारवाडी येथे वीज वाहिनीच्या जोडणीचे काम करण्यासाठी गेले होते. त्यावेळी आरोपींनी वरिष्ठ तंत्रज्ञ अमोल बाळासाहेब गायकवाड, तंत्रज्ञ प्रसाद अनिल गायकवाड, बद्रीनाथ सुभाष जाधव यांना वीज का घालवली, या कारणावरून शिवीगाळ व दमदाटी केली. वैभव गवारे याने अमोल गायकवाड व प्रसाद गायकवाड यांना हाताने मारहाण केली. सांगवी पोलिस अधिक तपास करीत आहेत.

------------------------