पिंपरी, ता. १४ ः तळवडे येथील त्रिवेणीनगर हा रस्ता नियमित वर्दळीचा परिसर आहे. त्यामुळे येथे वाहतूक देखील मोठ्या प्रमाणावर होते. त्यामुळे अपघात, आणि वाहतूक कोंडी लोकांच्या सवयीची झाली आहे. मात्र, गेल्याकाही दिवसांपूर्वी हुमा बेकरी जवळील रस्त्यावर रस्ते खोदाईचे काम करण्यात आले होते. मात्र, काम झाल्यानंतर येथील खडी उचलण्यात आलेली नसल्याने वाहने घसरून अपघाताचा धोका निर्माण झाला आहे. त्यामुळे असे अर्धवट काम करणाऱ्या कर्मचाऱ्यांना आणि ठेकेरांना दंड आकारण्याची मागणी रुपीनगर येथील नागरिकांनी केली आहे.

दोन महिन्यापूर्वी त्रिवेणीनगर तळवडे रस्त्यावर गाडी घसरून माझा अपघात झाला. खांद्याला हेअर लाईन फ्रॅक्चर आहे.
पिंपरी-चिंचवड महापालिकेने अर्धवट काम करणाऱ्या कर्मचाऱ्यांवर कारवाई केली पाहिजे.
- मनिषा जाधव, तळवडे

रस्त्यावर पसरलेल्या धोकादायक खडी संदर्भात महापालिकेच्या ‘सारथी’ कडे तक्रार केली आहे, मात्र, कोणताच प्रतिसाद मिळाला नाही. स्पीड ब्रेकरवरील पट्टी दिसत नसल्याने अपघात होतात. म्हणून मी सारथी हेल्पलाईन नंबरवर तक्रार दाखल केली होती. मात्र, तक्रारीचे निवारण झाले नाही.
- मणेष भालेकर, तळवडे

कोणत्याही प्रकारचे नियम न पाळता, रस्तेखोदाई सुरू आहे. महापालिका आयुक्तांनी बेकायदा रस्तेखोदाई संदर्भात धोरणनिश्चित करावे.
- विशाल कापरे, गणेश नगर

महापालिकेने रस्ते खोदले आहेत. मात्र, खडी अद्याप उचलली नाही. कधी खडी कोण उचलणार?
- राजेश जाधव, रुपीनगर