‘बीआरटी’तून खासगी वाहने सुसाट
बसचालकांचा गोंधळ; मनाई असतानाही नियम पायदळी
मंगेश पांडे ः सकाळ वृत्तसेवा
पिंपरी, ता. २३ : पुणे महानगर परिवहन महानगर परिवहन महामंडळाच्या (पीएमपीएमएल) बससाठी स्वतंत्ररीत्या बनविण्यात आलेल्या बीआरटी मार्गिकेतून इतर खासगी वाहनांना मनाई असतानाही अनेक खासगी वाहने नियम पायदळी तुडवून या मार्गिकेतून सुसाट जातात. यामुळे बसचालकांचा गोंधळ उडत असून, अपघाताच्या घटनाही वाढत आहेत.
शहरात निगडी ते दापोडी, किवळे ते सांगवी, काळेवाडी फाटा ते देहू-आळंदी रस्ता आदी मार्गांवर बीआरटी मार्गिका आहे. प्रवाशांचा प्रवास जलद व्हावा, यासाठी या मार्गिका सुरू केल्या आहेत. यामधून पीएमपी बस तसेच अत्यावश्यक सेवेची वाहने वगळता इतर वाहनांना प्रवेश नाही. तरीही अनेक खासगी वाहन चालक यामध्ये वाहन घुसडतात. यामुळे बसला अडथळा निर्माण होतो. बसथांब्यावर प्रवासी घेण्यासाठी व सोडण्यासाठी थांबताना समोर खासगी वाहन असल्यास अडचण निर्माण होते.
खासगी वाहनांसाठी इतर रस्ते असतानाही थोडे लवकर जाण्यासाठी अथवा इतर वाहनांच्या पुढे निघण्यासाठी या मार्गिकेत वाहनचालक येतात. अनेकदा ही वाहने पीएमपी बसची वाट अडवितात.
बसचालकाला मारावा लागतो अचानक ब्रेक
या मार्गिकेतून बस जात असताना एखादे वाहन अचानक मध्ये आल्यास बसचालकाला अर्जंट ब्रेक मारावा लागतो. यामुळे बसमधील उभे असलेले प्रवासी अक्षरशः कोसळतात. इतर प्रवाशांनाही त्रास सहन करावा लागतो. तरीही बेशिस्त खासगी वाहनचालक याच मार्गिकेतून वाहन घुसडतात.
वाहतूक पोलिसांकडून कारवाई
बीआरटी मार्गिकेतून वाहन घुसडणाऱ्या चालकांना वठणीवर आणण्यासाठी वाहतूक पोलिसांकडून कारवाई केली जाते. निगडी-दापोडी मार्गावरील काळभोरनगर, चिंचवड स्टेशन, एम्पायर इस्टेट पूल, मोरवाडी चौक आदी ठिकाणी वेळोवेळी कारवाई केली जात असते. तरीही काही चालक बेशिस्तपणाने वागतात.
बीआरटी मार्गिकेतून खासगी वाहन नेण्यास मनाई आहे. तरीही या मार्गिकेत वाहन घुसडविणाऱ्यांवर कारवाई केली जात आहे. यासाठी ठिकठिकाणी पॉइंट लावले जातात. नागरिकांनी इतर रस्त्यांचा वापर करणे आवश्यक आहे.
- सुनील पिंजण, पोलिस निरीक्षक, नियोजन विभाग, वाहतूक शाखा
मार्गिकेतून बस पुढे नेण्याकडे पूर्ण लक्ष असते. अशावेळी अचानक खासगी वाहन पुढे आल्यास गोंधळ उडतो. अचानक ब्रेक मारावा लागतो. थांब्यावरही बस थांबवताना अडथळा निर्माण होतो. त्यामुळे खासगी वाहन चालकांनी या मार्गिकेतून प्रवास करणे टाळावे.
- राहुल खारे, पीएमपी बस चालक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.