पिंपरी, ता. २९ : येत्या जून महिन्यामध्ये वाहनांच्या पक्क्या परवान्यांसाठी शिबिर दौऱ्याचे आयोजन करण्यात आले असल्याचे उपप्रादेशिक परिवहन कार्यालयाने कळविले आहे. त्यामध्ये, वडगाव मावळ आणि लोणावळ्याचा समावेश करण्यात आला आहे.
पिंपरी-चिंचवड उपप्रादेशिक परिवहन कार्यालयामार्फत खेड येथे ३ व ४ जून, मंचर येथे १० व ११ जून, जुन्नर येथे १८ व १९ जून, वडगाव मावळ येथे २४ व २५ जून तर लोणावळा येथे २७ व २८ जून यादिवशी पक्के परवाने (अनुज्ञप्ती) शिबिर दौरा होणार आहे. पक्क्या परवान्यांचा कोटा ३१ मे रोजी सायंकाळी ५ वाजता उपलब्ध होणार असल्याचेही उपप्रादेशिक परिवहन अधिकारी यांनी कळविले आहे.