सोमाटणे, ता. १ ः उर्से खिंडीतील जाहिरात फलकाचे लोखंडी अँगल तुटल्याने तो धोकादायक झाला असून, अपघात घडण्याची शक्यता आहे.
द्रुतगती मार्ग व पुणे-मुंबई महामार्ग जोडणाऱ्या उर्से खिंडीतील रस्त्यालगतच्या जाहिरात फलकाच्या बाजूचे काही लोखंडी अँगल तुटले असून, काही अँगल वाकल्याने ते धोकादायक झाले आहे. यामुळे मोठी दुर्घटना होण्याची शक्यता आहे. याच जाहिरात फलकाजवळूनच उर्सेमार्गे उर्से, बेबडओहोळ येथील कारखान्याकडे जाणारा रस्ता, पुणे-मुंबई द्रुतगती व पुणे-मुंबई महामार्ग यांना जोडणारा रस्ता हा याच खिंडीतून जात असल्याने या रस्त्यावर सतत वाहनांची वर्दळ असते. हा अधिक वर्दळीचा रस्ता असल्याने जाहिरात फलक कोसळून मोठी दुर्घटना होण्याचा धोका वाढला आहे.

PNE24U23304