पिंपरी, ता. ६ ः आनंद ज्येष्ठ नागरिक संघ आणि गोलांडे इस्टेट मित्र मंडळ यांच्या संयुक्त विद्यमाने, चिंचवड येथे जागतिक पर्यावरण दिनानिमित्त पारंपरिक पद्धतीने पूजनाद्वारे वृक्षारोपण सोहळ्याचे आयोजन करण्यात आले.
ज्येष्ठ पर्यावरणवादी कार्यकर्ते विश्वास साळुंखे, सेवानिवृत्त महापालिका नगररचना उपसंचालक प्रभाकर नाळे, आनंद ज्येष्ठ नागरिक संघाचे अध्यक्ष ज्ञानेश्वर खेडकर, कार्याध्यक्ष प्रिया जोशी, खजिनदार रवींद्र झेंडे, गोलांडे इस्टेट मित्र मंडळाचे अध्यक्ष राजाभाऊ गोलांडे उपस्थित होते.
वृक्षसंवर्धनामुळे आत्मिक आनंद मिळत असल्याचे मत साळुंखे यांनी यावेळी व्यक्त केले. गोलांडे यांनी सुमारे तेरा वर्षांपासून जागतिक पर्यावरण दिनानिमित्त परिसरात वृक्षारोपण करण्यात येत असल्याचे नमूद केले. तर नाळे यांनी पर्यावरण संवर्धनाबाबत ‘थिंक ग्लोबली ॲण्ड ॲक्ट लोकली’ या उक्तीनुसार आपण काम करूया, असे आवाहन केले.
प्रदीप वळसंगकर, नृसिंह पाडुळकर, सूर्यकांत क्षत्रिय, माधव जोशी, सुनंदा माटे, प्रेमलता कलाल, पूनम गुजर, सरिता पाळंदे, अश्विनी कोटस्थाने, प्रभाकर काढे, शिवाजी कांबळे, श्याम ब्रह्मे, सरिता कुलकर्णी, शुभांगी भिडे, दीक्षान्त रणधीर यांनी संयोजनात सहकार्य केले. रवींद्र झेंडे यांनी आभार मानले.